繁體中文
English
简体中文一到左大時大節，
少不免會同三五知己、屋企人去食大餐，
當食左一餐、兩餐，甚至三餐，
就不可再用「食埋今餐先算啦」做借口，
但其實食大餐，也不一定會肥。
大家總會怕蝕，所以整天不進食，
留定個"吉"肚去食大餐，
而且食大餐時，總會比平時食量大，
這正是食自助餐而肥的原因。
曾有研究指出，飢餓的時候，
會更想進食高脂肪、高熱量的食物，
所以空肚食大餐，反而會令自己增磅。
要清楚了解自己每日所需要的份量，
預早調整當日每餐份量，
避免全日超出應攝取的熱量。
可將部份早餐/午餐的肉類留待晚上時食用。
另將同等份量的穀物類提早進食，
避免晚餐進食過多，
而有損腸胃及增加脂肪積聚。
食大餐時，建議由冷盤開始進食(沙律、凍肉、海鮮及刺身)，
因食物未經用油烹調，熱量較低，
亦有助增加飽肚感，
減少進食其他較高熱量的食物。
沙律宜用檸檬汁或黑醋代替高熱量的沙律醬，
因一湯匙醬料等於進食大半碗飯﹗
即使自助餐，亦可容易選擇較低脂的主菜。
穀物類可以選擇壽司、粟米、麵包、湯粉麵、焗薯等。
熱盤的肉類則可挑選烤牛扒、燒羊架、焗火雞、蒜蓉燒大蝦、叉燒或海南雞等燒味。
盡量避免煎、炸及多醬汁的食物，尤其近皮、腩及骨位置，如印度咖哩雞、黑椒牛肋骨、紅酒炆牛腩。
而期待已久的甜品及餐飲，
不妨選擇豆腐花、涼粉配各款水果或啫喱，低卡又滋味。
切忌被「靚靚」的芝士蛋糕、朱古力布朗尼、南瓜蓉批、窩夫配雪糕等高糖高脂的甜品打敗，
否則Keep fit 瘦身的目標就前功盡廢。
最後嘆上一杯無加糖的檸檬水/茶或英式茶幫助消滯，
為聖誕晚餐劃上完美的句號。
